منتديات عاشق المنسي


عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


حيـــــــاك الـــلـــه بيـــن اخـــــوانك وخــــواتك ممن سبقوك .يسعدنا تسجيلك معنا ويشرفنا انضمامك الينا أتمنى لك التوفيق مع التألق والروعة مع التفوق اتمنى لك قضاء اسعد الاوقات


    اي ما هو بكفو

    شاطر
    avatar
    ولد النووور سلوووم
    المبدعون
    المبدعون

    عدد المساهمات : 175
    نقاط : 31591
    السٌّمعَة : 0
    العمر : 30

    جديد اي ما هو بكفو

    مُساهمة من طرف ولد النووور سلوووم في الثلاثاء فبراير 16, 2010 3:50 am

    ماهوب كفو الوقت حبك يمحّيه
    ياللي تخاف صروف الايام تمحاه


    ارتاح دام ان المواصل يقويه
    انت . انت وانا . انا وقلبي هو إياه

    حتى ولو بتغيب ذكراك تكفيه
    ياواحدٍ تكفي عن الناس ذكراه

    حُبك على رملة خفوقي مواطيه
    ورياح عذلي عَنك ماتمسح خطاه

    واللي يعذل القلب عن درب غاليه
    ( يالله عسى اللي يبلا المواليف يبلاه )

    اخفيه يابلفيت والحال يبديه
    ادناة واحد ينظر الحال يقراه

    اخفيه فيه ومعتنيٍ به وحاميه
    عن كل عينٍ ودها تنزل حماه

    قلبٍ يحبك والهوى الذرب ماليِه
    كانك مكذبني بعينك تحلاه

    شرط . ان تشوفك فيه منت بحواليه
    ويمكن تشوف ديار واماكن رعاه


    وشوف به تمثال والوقت هاريه
    وبتشوف زرعٍ ميتٍ واقفٍ ماه


    وبتشوف جرحٍ فيه سكين راعيه
    راح ونسى السكين والجرح ينخاه

    وبتشوف حصنٍ عجّ الاقدار سافيّه
    وبتشوف باقي بيت . راعيه خلاه

    لاتنزعج . هذا خفوقي وباقيه
    ولاتضايق من تصّدع زواياه


    قَد زلزله فرقا وهزة عراويه
    والله ستر والحظ عانه وعافاه

    كانه صلح لك واعجبك . زيد تبينه
    ابنه وجهزّ للمقابيل مبناه

    ابغيك بس من المفارق تداريه
    وازهل من ايداري شعورك ويدراه

    وحلل وحرّم فيه . ياأبرك بلاويه
    وحله وراع ارضاي ورضاك وارضاه

    جعلك بعد بعض الوجيه . امحق وجيه
    ناسٍ مراتعها الرفيق بتقفاه

    انواع . واخطر نوع مانيب ناسيه
    نوعٍ على تفريق الاثنين مسعاه

    تلقاه دوم . وكل يومٍ تلاقيه
    واذا بغيت الصدق ماعاد تلاقه

    وإلا انت . ردك كُل مادعيك لبيه
    انشهدٍ منتوا بفي عيني اشباه

    منت بمعى العالم . ولا تقولي ليه
    انت ادرى مني وفي جوابي وفي احواه

    كذيه ومن الله يازين وإليه
    واغلى طروش القلب ودواه من داه

    الحلم ياتيني بزولك واراعيه
    وفي كل حلم اقوم قبل اتحفاه


    واعشق سميك في البزارين وادعيه
    واقبل خطاه الا اخطى واتلقاه


    واسمك يروعني اذا مرّ طاريه
    واحب ملقوفٍ يسولف وطراه

    وامرّ بيتك من بعيدٍ ولا اجيه
    وانا لو انه في يدي ماتعداه


    حتى تواير موتري تلتفت فيه
    تبغي تلفّ ويستحي العقل والجاه


    وصلك يخيط الصدر والبعد يفريه
    ويابري حالي كان صديت برياه


    ويلي على ادري حبنا ويش تاليه
    وويلي على ادري وش ورى الغيب ويلاه


    عشان اشوف اذا محبتك ترفيه
    والله لاقفي عنك . استغفر الله
    avatar
    عاشق المنسي
    المدير العام
    المدير العام

    عدد المساهمات : 787
    نقاط : 32513
    السٌّمعَة : 3
    العمر : 30

    جديد رد: اي ما هو بكفو

    مُساهمة من طرف عاشق المنسي في الأربعاء فبراير 17, 2010 11:39 pm

    تسلم اخوي مبدع دائما"
    بما تخطه يمنااااك وما تنقله لنا
    الله يعطيك الف عافيه
    avatar
    اميره في زمن حزين
    مشرفة
    مشرفة

    عدد المساهمات : 444
    نقاط : 31845
    السٌّمعَة : 3

    جديد رد: اي ما هو بكفو

    مُساهمة من طرف اميره في زمن حزين في الخميس فبراير 18, 2010 4:13 am

    وااااااو يعطيك عافيه
    ولايحرمنا من جديدك
    تحياتو اميره



    avatar
    ولد النووور سلوووم
    المبدعون
    المبدعون

    عدد المساهمات : 175
    نقاط : 31591
    السٌّمعَة : 0
    العمر : 30

    جديد رد: اي ما هو بكفو

    مُساهمة من طرف ولد النووور سلوووم في الخميس فبراير 18, 2010 4:59 am

    الله يعطيك الف عافيه على الرد الجميل
    يا عاشق
    ولا يحرمنا من توجيهاتك
    تحياتي لك
    avatar
    ولد النووور سلوووم
    المبدعون
    المبدعون

    عدد المساهمات : 175
    نقاط : 31591
    السٌّمعَة : 0
    العمر : 30

    جديد رد: اي ما هو بكفو

    مُساهمة من طرف ولد النووور سلوووم في الخميس فبراير 18, 2010 5:01 am

    يعطيك العافيه
    اميره

      الوقت/التاريخ الآن هو السبت أبريل 21, 2018 4:51 pm