--------------------------------------------------------------------------------



أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعرون فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّون "حزن "يحطون "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني …


.... صـح لسآنـي ... تحيآأإتـي ...
ياليت الزعل ممنوع

صح السانك
والله مبدع
ومتميز والله لايحرمنا من بدعك

الله يعافيك الله لا يحرمنا من هل المرور
الرائع تحياتي لك اخوووووووووووك
ياليت الزعل ممنوع

صح لـسـانكـ
مبدع في جميع الحالات
أخوك
ولد النووور سلوووم